Воведна работилница на CBIT проектот

„Зајакнување на институционалните и технички капацитети за подобрување на транспарентноста за климатски промени во рамките на Договорот од Париз“


(17.09.2019г.) Денес во Скопје се одржа воведна работилница на новиот проект “Зајакнување на институционалните и технички капацитети за подобрување на транспарентноста за климатски промени во рамките на Договорот од Париз (CBIT проект)”, кој се спроведува со соработка на Министерството за животна средина и просторно планирање и Програмата за развој на Обединетите нации.

Со свои обраќања настанот го отворија заменик министерот за животна средина и просторно планирање Јани Макрадули и постојаниот претставник на Програмата за развој на Обединетите нации (УНДП), Нарине Сахакјан.

- Во писмото испратено до шефовите на државите и владите, шефот на ООН Гутереш ги утврди своите очекувања од Самитот за климатски промени, во кое тој ги повикува владите да дојдат со конкретни и значајни планови за акција. Во пресрет на Самитот за климатски промени во Њујорк, според досега преземените активности, слободно можеме да кажеме дека Република Северна Македонија има амбициозен план во справувањето со овој предизвик - истакна Макрадули.

- Со овој проект ќе се зајакнат капацитетите за одржливи транспарентни активности преку 3 компоненти- силни институции, подобри алатки и обуки и процедури за функционална размена на податоци, за соодветно да може да се одговори на климатските предизвици – изјави Сахакјан.

Ана Петровска, Државен секретар, Министерство за животна средина и просторно планирање во својата презентација ја претстави CBIT платформата од овој многу значаен проект.

Проектниот координатор Павлина Здравева ги запозна присутните со новиот проект, нагласувајки ја неговата важност во подобрување на транспарентноста на климатските акции во државата, со што РСМ ќе може адекватно и навремено да оговори на сите национални обврски од Договорот од Париз.

Во рамките на заедничкиот проект на Министерството и на УНДП ќе се зајакнат капацитетите на клучните национални институции за следење, известување и верификација (МРВ) на климатски акции и подобрување на транспарентноста, според побарувањата на Договорот од Париз.

За да се постигне ова, проектот ќе обезбеди зајакнување на ресурските за мониторинг, известување и верификација во рамките на Министерството за животна средина и просторно планирање, вклучувајќи и обука и опрема за ова одделение, но и за другите агенции кои обезбедуваат податоци за спроведување на мониторинг, известување и верификација на податоци за степенот на спроведеност на Договорот од Париз.


Ќе се развијат соодветни обуки и алатки кои ќе осигурат дека организациите и поединците ги имаат потребните основи за спроведување на активности на МРВ и подобрена транспарентност. Ќе се користи пристапот “learning by doing” со цел климатските промени да се вклучат во секторските политики и законодавство, не само во клучните сектори: снабдување со енергија, згради и транспорт, но и во секторите земјоделство, шумарство и друга употреба на земјиште заради зголемениот интерес за овој сектор од страна на Владата. Дополнително, во тесна соработка со сите релевантни чинители, ќе се воспостават официјални процедури за собирање податоци, анализи и известување и ќе се развие интегриран и одржлив национален систем за МРВ на климатски акции.

{{"article.trending"|translate}}

{{"article.lastestPosts"|translate}}

{{'article.tags'|translate}}

{{'newsletter'|translate}}

Subscribe to our newsletter for good news, sent out every month.

{{"successful.subscription"| translate}}

{{subscriber.subscriber.email}}

{{"thank.you.for.subscription"|translate}}

{{'cc.contact'|translate}}

{{'subscribe.for.newsletter'|translate}}

Account

Error message here!

Show Error message here!

Forgot your password?

Register your new account

Error message here!

Error message here!

Show Error message here!

Error message here!

Error message here!

Error message here!

Lost your password? Please enter your email address. You will receive a link to create a new password.

Error message here!

Back to log-in

Close